ڪر حملا حسن حضور ، ٿي ظاهر عشق ظهور آيا

ڪر حملا حسن حضور ، ٿي ظاهر عشق ظهور آيا

حسن تيڏي ديان فوجان چڙهيان ، چو طرفين ڪر حلقي کڙيان

نال جسم دي لا شڪ لڙيان ، وچ محبت دي مخمور آيا

اپڻا نيهن نروار ڪيتئي ، سر عاشقين دي اظهار ڪيتئي

الست والا اقرار ڪيتئي ، اهو سچا قول ضرور آيا

عشق بنا هي اجايا جيوڻ ، شوق شراب پيالا پيوڻ

سر سنڃا پڻ سالڪ ٿيوڻ ، برهه لگاتي ڀرپور آيا

وچ دروني جهاتي پاوڻ ، خوش خوراڪ خودي ڪونه کاوڻ

دم دم نال اسم جڳاوڻ ، اهونور اعلٰي نور آيا

سِر ”رکيل“ دي باهه برهه دي ، بيشڪ ٻلدي نا وت لهندي

غير اندر دا ڪڍ صاف سڙيندي ، سمجهه تي اهو سور آيا